Një hapësirë prej 16 hektarëve, rrethuar nga pyje të dendura dhe natyrë të paprekur, që nga viti 2013 PYLLI I AIRNJVE Prishtina ofron të gjitha kushtet e nevojshme për t’ju ofruar strehë të sigurt arinjve të keqtrajtuar.
 
PYLLI I ARINJVE Prishtina është projekt i organizatës ndërkombëtare për mirëqenien e kafshëve “FOUR PAWS”, projekt ky që ofron strehë të përhershme për arinjtë e murrmë të cilët në të kaluarën janë shfrytëzuar si ‘arinjë të restoranteve’ në Kosovë dhe Shqipëri. Në vitet e fundit PYLLI I ARINJVE Prishtina është shndërruar në një prej TOP destinacioneve për vizitorët vendas por edhe të huaj.

Vetëm 20 kilometra larg nga Prishtina gjendet PYLLI I ARINJVE Prishtina në një parajsë natyrore ku vizitorët mund të kalojnë kohën duke shijuar natyrën derisa shohin arinjtë duke kërkuar ushqimin, duke u freskuar në pishina, apo duke fjetur nën hijet e shkurreve. Vizitorët gjithashtu kanë mundësinë të ecin në “Shtegun e Natyrës” ku do të mund të mësojnë fakte interesante për mirëqenien e kafshëve dhe mbrojtjen e mjedisit, si dhe të informohen më shumë për storjen e secili ari të shpëtuar.